မြောက်ဦးမြို့တွင် ကျောင်းသူ ကျောင်းသားများအား ဦးဥတ္တမနေ့ အထိမ်းအမှတ် ရခိုင်ဝေါဟာရနှင့် သမိုင်းကြောင်းဆိုင်ရာ စာမေးပွဲစစ်ဆေး

စက်တင်ဘာ ၈

ရခိုင်ပြည်နယ် မြောက်ဦးမြို့တွင် ဆရာတော်ဦးဥတ္တမနေ့ (၇၅) နှစ်မြောက် စိန်ရတု အထိမ်းအမှတ်အဖြစ် ရခိုင်သမိုင်းကြောင်း ဆိုင်ရာ စာမေးပွဲနှင့် ရခိုင်ဝေါဟာရ စာမေးပွဲကို စက်တင်ဘာလ ၇ ရက်နေ့မှ ၈ ရက်နေ့အထိ စတင်စစ်ဆေး လျှက်ရှိကြောင်း သိရသည်။

အဆိုပါ စာမေးပွဲကို ရခိုင်လူမှုကွန်ရက် (မြောက်ဦး) မှ ပြုလုပ်ကျင်းပခြင်းဖြစ်ကာ ရခိုင်ပြည်တွင်စတင်ပြုလုပ်သည့် စာမေးပွဲ လည်းဖြစ်ကာ ယင်းစားမေးပွဲအား ယခုကဲ့သို့ပြုလုပ်ရခြင်းမှာ ကလေးသူငယ်များ၊ ကျောင်းသူ/သားများအား ဗဟုသုတ ရရှိစေရန်နှင့် ရခိုင်သမိုင်းကြောင်းဆိုင်ရာများကို စိတ်ပါဝင်စားလာစေရန် ရည်ရွယ်ပြုလုပ်ခြင်းဖြစ်ပြီး ၈ ရက်နေ့ တွင် ဝေါဟာရ စာမေးပွဲကို ဆက်တိုက် စစ်ဆေးသွားမည်ဖြစ်ကြောင်းလည်း သိရသည်။

“အထွေထွေ ဗဟုသုတ စာမေးပွဲကို စစ်ရခြင်းကတော့ သမိုင်းဆိုတာဟာ ကလေးတွေနဲ့ လက်လှမ်းဝေးတဲ့ ဘာသာရပ် တစ်ခု ဖြစ်ပါတယ်။ စာကြီးပေကြီး ဖြစ်နေတာက တစ်ကြောင်း၊ ကလေးတွေကလည်း မအားလပ်တာက တစ်ကြောင်း၊ ကလေးတွေ သင်ကြားနေရတဲ့ ပြဌာန်းစာအုပ်တွေမှာ ရခိုင်သမိုင်းနဲ့ ပါတ်သက်ပြီး မပါတာ တစ်ကြောင်း ဒီအကြောင်းအရာ သုံးခုကြောင့် ကလေးတွေနဲ့ ရခိုင်သမိုင်းနဲ့ တော်တော်လေးကို အလှမ်းဝေးနေပါတယ်။ ရခိုင်သမိုင်းမှာရှိတဲ့ အကြောင်းအရာတွေ၊ ဘုရင်တွေကိုတောင် မသိဖြစ်နေကြတယ်။ ဒါကိုကလေးတွေ တစွန်းတစ သိရှိသွားရအောင် ရည်ရွယ်ပြီးပြုလုပ်တာပါ။ လူကြီးတွေ အနေနဲ့လည်း ဒါတွေကိုသိပြီး ပြောပြနိုင်အောင်အတွက် အခုလိုမျိုး ပြုလုပ်ရတာဖြစ်ပါတယ်”ဟု ဦးမောင်ကျော်ဇော ကပြောသည်။

ဝေါဟာရစာမေးပွဲကို စစ်ဆေးရဖြင်းမှာလည်း ရခိုင်တိုင်းရင်းသားများသည် ယနေ့အချိန်တွင် ပြောင်းလဲမှုများ နောက်သို့ လိုက်ပါလာကြသည့်အတွက် ယဉ်ကျေးမှု အသစ်များ၏ လွှမ်းမိုးမှုများကို ခံစားလာရကာ မိမိတို့၏ ဘာသာ၊ အပြောအဆို၊ ဝေါဟာရများကို မသိသလောက် ဖြစ်လာနေသည့်အတွက် ဘာသာစကားများအား မပျောက်ပျက်အောင် ထိန်းသိမ်းသည့် သဘောဖြင့် ပြုလုပ်ခြင်းဖြစ်ကြောင်းလည်း သိရသည်။

“ရခိုင်မှာ ဘာသာစကား သတ်သတ် မှတ်မှတ်ရှိတာကို အားလုံးသိကြပါတယ်။ ကျွန်တော်တို့ ဘာသာစကားဟာ မြန်မာ ဘာသာစကားနန့် အနီးစပ်ဆုံး တူနေတဲ့အတွက် ရေဒီယို၊ ဒီဗီ၊ ဗီဒီယို စတဲ့မီဒီယာ အမျိုးမျိုးက လွှမ်းမိုးမှုကို ခံရတဲ့ အတွက် ကျွန်တော်တို့ ရခိုင်လူငယ်တွေဟာ ကိုယ့်ရဲ့ ကိုယ်ပိုင်ဝေါဟာတွေကို တဖြေးဖြေးမေ့ပျောက်ပြီး မြန်မာဝေါဟာတွေပဲ သုံးလာတဲ့အဆင့်ကို ရောက်လာနေပါတယ်။ ဒါကြောင့် ဒီဝေါဟာရတွေ မပျောက်သွားရအောင်။ ကလေးတွေ အနေနဲ့လည်း မျိုးချစ်စိတ်ဓါတ်ကို နည်းနည်းလောက် သဘောပေါက်လာဖို့အတွက် ဒီဝေါဟာရစာမေးပွဲကို လုပ်ရတာ ဖြစ်ပါတယ်။”ဟု ၄င်းက ဆက်လက်ပြောကြားခဲ့သည်။

___ Development News Journal