ဘူးသီးတောင်မြို့ မြို့လယ်ခန်းမ ၂၀၁၄ စက်တင်ဘာလ ကိုးရက် (၇၅) နှစ်မြောက် ဦးဥတ္တမ နိန့် အခမ်းအနားတွင် ကျော်ဇောဦး ပြောကြားသော မိန့်ခွန်း(၃)

ဘူးသီးတောင်မြို့ မြို့လယ်ခန်းမ ၂၀၁၄ စက်တင်ဘာလ ကိုးရက် (၇၅) နှစ်မြောက် ဦးဥတ္တမ နိန့် အခမ်းအနားတွင် ကျော်ဇောဦး ပြောကြားသော မိန့်ခွန်း(၃)
===============================
ခေါင်းဆောင်မှုတိုက်ပွဲ
=============
အဂုရခိုင်နှစ်ပါတီ ပေါင်းစည်းရေးကာလမှာ နိုင်ငံရေးအသိုင်းအ၀ိုင်းကမဟုတ်တေ သာမန်ပြည်သူတိဘားက အားမလိုအားမရ အသံတချို့ထွက်လာစွာကိုကြားရရေ။ ရခိုင်နိုင်ငံရေးသမားတိ ကုလားထိုင် လုနိန်ကတ် ပါရေ လတ်။ နေရာလုနိန်ကတ်ပါရေ လတ်။ အာဏာလုနိန်ကတ်ပါရေ လတ်။
ကျွန်တော်ကတော့ခါ ကုလားထိုင်လုနိန်ကတ်တေလို့ မမြင်။ လောကသဘာဝ ဖြစ်ရိုးဖြစ်စဉ် အဖြစ်အပျက်တိ ဖြစ်ပျက်နိန်စွာရာလို့ ကျွန်တော်မြင်ပါရေ။

ညံ့ဖျင်းသော အစုအဖွဲ့တိမှာ အမြဲတမ်းလိုလို ငြိမ်သက်သိမ်မွေ့ညီညွတ်နီကတ်လေ့ရှိပြီးကေ၊ တိုက်ရည် ခိုက်ရည်ပြည့်ဝရေ အစုအဖွဲ့တိမှာကျခါ ခေါင်းဆောင်မှုနီရာကို ယှဉ်ပြိုင်တိုက်ခိုက်လို့ ယူကတ်ရစွာ သဘာဝရာ ဖြစ်ပါရေ။ သိုးအုပ်တိကို ကြည့်လိုက်ပါ။ ပဋိပက္ခရယ်လို့မရှိ၊ တစ်စုတစ်ဝေးတည်း သွားလာပြီးကေ အီးချမ်း ညီညွတ်နီစွာကို တွိ့ရပါလိမ့်မေ။ ညီတော့ညီညွတ်ယင့် ပြင်ပရန်တစ်ခုခုက တိုက်ခိုက်လာကေ ခုခံနိုင်ဖို့ စွမ်းပကားမရှိ။

ဝံပုလွေအုပ်တိကိုကြည့်ပါ။ တောကောင်ကြီးတိကိုတောင်မှ ၀ိုင်းဝန်းတိုက်ခိုက်စားသောက်နိုင်ရေ ၀ံပုလွေအုပ် တိမှာ သာမညောင်သာမည ၀ံပုလွေကို ခေါင်းဆောင်ဝံပုလွေ (Alpha male) အဖြစ် အခြားဝံပုလွေတိက အသာတကြည်နန့် နီရာတင်ပီးလိုက်စွာမဟုတ်။ ယင်းနီရာကို ယှဉ်ပြိုင်တိုက်ခိုက်ရယူပြီး ထိပ်ကို တက်လာစွာ ဖြစ်တေ။ အေး . . . ခေါင်းဆောင်ဝံပုလွေ ရှိလာဗျာလ်ဆိုစွာနန့် တိုက်ပွဲမှာ ခေါင်းဆောင်မှုကို ခံယူလို့ ကျရာ တာဝန်ထမ်းဆောင်လို့ ၀ံပုလွေအုပ်တစ်အုပ်လုံးအကျိုးအတွက် ၀ိုင်းဝန်းပါဝင် ထမ်းဆောင်ကတ်တေ။ ရန်ကို ၀ိုင်းဝန်းခုခံတိုက်ခိုက်တေ။ သားကောင်ကို ၀ိုင်းဝန်းဖမ်းဆီးရေ။

ဝံပုလွေအုပ်တစ်မျိုးတည်းမှာရာမဟုတ်။ မျောက်ဝံအုပ်၊ လူဝံအုပ်၊ ဂေါ်ရီလာအုပ်စု တိမှာလေး ယင်းအတိုင်း ပင်ဖြစ်တေ။ အေပိုင်ယှဉ်ပြိုင်အနိုင်ယူပြီးခါမှ ခေါင်းဆောင်မှုကို ပီးစွာရေ၊ လူ့သဘာဝ၊ သတ္တလောက သဘာဝ၊ လောက၏ သဘာဝပင်ဖြစ်ပါရေ။
အေပိုင်ရာ လောက၏ အကွေ့အကောက် မာယာပရိယာယ်တိကို ဖြတ်သန်းကျော်လွှား ယှဉ်ပြိုင်မှုနန့် အနိုင်ယူ ပနာ ထိပ်ကိုရောက်လာရေ ခေါင်းဆောင်မှသာလျှင် ကျွန်တော်ရို့ကို ခေါင်းဆောင်ဖို့ ထိုက်တန်ပါလိမ့်မေ။

ယင်းပိုင်မဟုတ်ဘဲ လေဆန်ရီဆန်ကို မတက်နိုင်ရေလူတိ ခေါင်ဆောင်ဖြစ်လာကေ ပေါတိပေါတာနန့်၊ ရခိုင် ပြည်သူလူထုက လွတ်လပ်ရေးတောင်းဖို့လွှတ်လိုက်စွာ ဝေး . . . ဗမာဝေး . . . ငရို့အတွက် လွတ်လပ်ရေး တချက်ချေ တောင်းယူခဖိ . . . လို့ လွတ်လပ်ရေးကို ဆောင်းပါးတောင်းခိုင်လူတိဖြစ်နီဖို့စွာ ကိုလည်း စိုးရိမ်ရ ပါရေ။
အချုပ်ဆိုရကေ သဘောတရာရေးတိုက်ပွဲ၊ ပါတီတွင်းတိုက်ပွဲ၊ ခေါင်းဆောင်မှုတိုက်ပွဲတိဆိုစွာရေ ကျန်းမာသော နိုင်ငံရေးစနစ်တစ်ရပ်မှာ ရှိနိန်ရဖို့ ကြန်အင်လက္ခဏာတိရာ ဖြစ်ကြောင်းကို တင်ပြလိုပါရေ။

နိဂုံး
====
နိဂုံးချုပ်အနိန်နန့် ပြောရဖို့ဆိုကေ လွန်ခရေနှစ်ပေါင်း (၉၅)နှစ်လောက်က မြန်မာတစ်ပြည်လုံးမှာ ဂျော့ဘုရင် ဘုန်းတော်ဘွဲ့ကို တေးခြင်းဆိုပြီးကေ တစ်တိုင်းပြည်လုံးကျွန်စိတ်ပေါက်နိန်ရေအချိန်မှာ လွတ်လပ်ရီးအတွက် တိုက်ပွဲဝင်ရဖို့လို့ မျက်လုံးဖွင့်ပီးခသော ကျွန်တော်ရို့ရခိုင်အမျိုးသား ဆရာတော်ဦးဥတ္တမရေ အင်္ဂလိပ် လက်ထောက်ဘုရင်ခံ ကိုတောင်မှ ကရက်ဒေါက် ထွက်လားလီ (Craddock! Get out!) ဆိုပြီးကေ နှင်ထုတ် ခရေ ပုဂ္ဂိုလ်ဖြစ်ပါရေ။

နိုင်ငံရေးနယ်ပယ်ထဲကို စ၀င်ပြီးနောက် အနှစ်နှစ်ဆယ်လောက်အကြာမှာ ဆရာတော်သီလွန်ပါရေ။ ဆရာတော် သီလွန်ပြီး (၇၅)နှစ်အကြာမှာ ဒေကနိန့်ဒေအချိန်မှာ ရခိုင်ပြည်နယ် ၀န်ကြီးချုပ်အဖြစ် ဗိုလ်ချုပ်မောင်မောင်အုန်း ရောက်လာရေအခါ နှင်ထုတ်တေ ပြည်သူကနှင်ထုတ်၊ တိန်းနီရေလူကတိန်းနီ၊ တစ်ပတ်မှာ တစ်ခါလားတွိ့ ပြီးကေ ပြုံးပြရေလူကပြုံးပြ ဖြစ်နီကတ်စွာကို တွိ့ရရေအခါ၊ ဆရာတော်ကို ပြန်ပြောင်း အမှတ်ရစရာ ဖြစ်မိပါရေ။

ဒေကနိန့် ကျွန်တော်ပြောခရေ စကားတိကို အချုပ်ဆိုရကေတော့ခါ . . . ရခိုင်လူမျိုးရေ ကိုယ့်ကိုယ်ကို အုပ်ချုပ်ခွင့် ကိုယ်ပိုင်ပြဌာန်းခွင့်ရသင့်ရထိုက်တေလူမျိုးဖြစ်တေ၊ ရနိုင်ဖို့လည်း အလားအလာဟိရေ၊ အခွင့်အလမ်းတိနန့် စိန်ခေါ်မှုတိကြားမှာ မိတ်ဆွေရန်သူခွဲခြားပြီး မိမိကိုယ်ကို ကောင်းစွာတည်ဆောက်ပြီးကေ အခါအခွင့်ကောင်းကို စောင့်ဆိုင်းရဖို့ကာလဖြစ်တေ၊ ယင်းပိုင်ရာ မဟာဗျူဟာကျကျ တွေးခေါ်မြော်မြင်ပြီး corunching tiger, hidden dragon ၀ပ်နေသောကျား ပုန်းနေသောနဂါး ဆိုရေပိုင် အခါအခွင့်ကောင်းကို စောင့်ဆိုင်းနိုင်ကေ၊ မလွတ်စတမ်း အောင်မြင်ကြီးပွားနိုင်ကတ်ဖို့ဖြစ်ပါရေ။

ရခိုင်ရို့၏ အမျိုးသားအရောင်များဖြစ်ကြသော အနီရောင်၏ ရဲရင့်ခြင်း နှင့် ရုပ်ဝတ္တုပိုင်းဆိုင်ရာ ကြံ့ခိုင် အားကောင်းခြင်း ကိုသာမက၊ အဖြူရောင်က ကိုယ်စားပြုရေ ဖြူစင်ခြင်းနန့် ဥာဏ်ပညာဖြင့် ယှဉ်တွဲလုပ်ဆောင်ခြင်း ကိုပါ ကိုယ်နှင့်မကွာ ကျင့်သုံးကာ၊ သာယာဝပြောချမ်းသာသော ရခိုင်ပြည်ကြီးကို တည်ဆောက်နိုင်ကတ်ပါဇီလို့ ဆန္ဒပြုရင်း ကျွန်တော်၏ ဟောပြောချက်ကို နိဂုံးချုပ်လိုက်ပါရေ။

ကျော်ဇောဦး
၀၉ စက်တင်ဘာ ၂၀၁၄
ဘူးသီးတောင်မြို့

___ Coral Arakan News