တိမ်စိုင်လေ့ပြို မိုးလေ့ငို

၇၅ နှစ်ဆိုရေ
အတိတ်ခြီရာအောက်မာ
ပြိုကွဲယိုင်လဲနီရေခံတပ်တိနန့်
မုတ်ဆိုးမအိမ်နောက်ဖက်က
လင်းကွက်တကောင်ပိုင်
အချိန်ကျမှန်မှန်တွံနီကေလေ့
တုန့်ပြန်မှု အစွယ်ထက်နီရေ
ကျားပျိုတကောင်ဧ့အားမာန်တိနန့်
ဝံပုလွေကို ရင်ဆိုင်ဖို့
အသျှင့်အသွီးအသားတစုံလိုအပ်တေ။

တဝါဝင်လို့ တနွီကူးလားတိုင်း
ရစ်သိုင်းနီရေခြုံဆိုးတောမာ
အသျှင့်အုဌ်ဂူဖြူဖြူချေကို မြင်တိုင်း
အံကြိပ်ယှိုက်ငို ရင်ပြိုမိုးတိ
စီးကျနီတုန်းပါအသျှင်။

သားသတ်ရုံနားမာ
လမ်းမွိနီရေသမင်ချေတိပိုင်
ကူဖို့လူကို မျှော်ယင်းနန့်
တဖဲ့ချင်း ပဲ့ကျနီရေ အသားစိုင်တိနန့်
ကြောက်ဖို့ကောင်းရေ
ညည့်တညည့်ဧ့ ကျိန်စာမာ
သွီးစက်တိမြီကျ
ကျွီးသံတိပြန်ကြားနီရပါရေကားအသျှင်။

ဆရာတော် ရောက်လီရာဘုံဘဝမာ
အိပ်မက်တိလှနှိုင်ဖို့
ရာဇဝင်မာ
တန်းတင်ထားရေ ပီစာတချက်နန့်
ကျွန်သက်တိုပါစီကြောင့်
မျက်ရည်လောင်းလို့
ဆုတောင်းလိုက်ပါယင့် အသျှင် ။
----------------
မိုးည

ဆရာတော်အသျှင်ဥတ္တမ- ပျံလွန် ( ၇၅ )နှစ်ဧ့ အောက်မိဂုဏ်ပြုဖွယ် ကဗျာချေ နန့် ဆရာတော်အတွက် ဂုဏ်ပြု ဆုတောင်းပီးပါရေ အသျှင်